DIE EENJAAR BOODSKAP MET OORDENKINGS

OOR DIE OUTEUR

Jan van der Watt (DD [Nuwe Testament]; DLitt [Grieks]) is professor en hoof van die Departement Nuwe-Testamentiese Wetenskap aan die Universiteit van Pretoria. Hy was betrokke by verskeie nasionale en internasionale Bybelvertalingsprojekte. Hy het al sowat 45 boeke gepubliseer as skrywer, redakteur of medewerker en is bekroon met die Andrew Murray-prys vir Die Bybel A-Z. Jan van der Watt is die hoofredakteur van die Review of Biblical Literature, die mees verteenwoordigende internasionale tydskrif vir resensies van Bybelse literatuur. Hy is ook die subredakteur verantwoordelik vir die Johannese geskrifte en Algemene Briewe in die 25 volume standaard De Gruyter's International Encyclopedia of the Bible, tans die mees omvangryke internasionale projek in die veld van Bybelse akademiese publikasies.

Ontmoetings met God is kosbare oomblikke in 'n mens se lewe. Dit is veral in ons stiltetyd, wanneer ons stil word met sy Woord en sy boodskap vir ons hoor dat ons verhouding met Hom verdiep.
Die Eenjaarboodskap met oordenkings kombineer die volledige teks van Die Boodskap se Nuwe Testament met 'n oordenking vir elke dag. So sal jy vir 366 dae 'n inniger stiltetyd saam met die Here deurbring en Hom ook beter leer ken deur sy Woord.
Die oordenkings, geskryf deur bekende outeur Jan van der Watt, raak sake aan waarmee elkeen kan identifiseer. Dit bemoedig en vertroos, inspireer en versterk. Dit roep 'n mens op om jou Christenskap daagliks voluit in die wêreld uit te leef.
Die Eenjaarboodskap met oordenkings is ideaal vir almal wat daagliks hulle geloofsverhouding met die Here wil versterk.

Lees die Nuwe Testament in 366 dae deur
en beleef God se trou en genade elke dag

KORT KOPIE

Beleef 'n inniger stiltetyd saam met die Here. Die Eenjaarboodskap met oordenkings kombineer die volledige teks van Die Boodskap se Nuwe Testament met 'n oordenking vir elke dag. So sal jy vir 366 dae 'n inniger stiltetyd saam met die Here deurbring en Hom ook beter leer ken deur sy Woord.

UNIEKE VERKOOPPUNTE

- Bekroonde en gewilde outeur.
- 366 oordenkings.
- Die volledige teks van Die Boodskap se Nuwe Testament.

KLEINHANDELONDERSTEUNING

Reklame
- Advertensies in gedrukte media

Promosies
- Op radiostasies: IFM, Radio Rosestad, Radio Oosrand, NBC, Radio Tygerberg en Radio Lichtenburg

ANDER BOEKE DEUR DIE OUTEUR

- Apokriewe Ou en Nuwe Testament (redakteur)
- Die Bybel A-Z (redakteur)
- Die Boodskap (mede-redakteur)
- Beleef Jesus Christus (mede-outeur)
- Die Bybel in 40 dae

Besigting die CUM katalogus