DIE HEMELBODES

Party mense maak engele af as irrelevant, ander ide-aliseer hulle as feetjie-agtige karakters wat telkens op die regte tyd verskyn om een of ander sterfling te hulp te snel.

Die hemelbodes wil op 'n ander manier na en-gele kyk. Die leser ontmoet die engele Migael, Ga-briël, Rafael, Uriël en Lucifer en ontdek saam met hulle waarom die mooie Eva deur 'n slang verlei is, wie werklik met Samuel gepraat het en waarom 'n onskuldige Man 'n gruweldood aan 'n houtkruis moes sterf.

Jaco Thom slaag daarin om vanuit die engele se perspektief die handelinge van God met die mens, van die skepping af tot by die wederkoms, te betrag.

In Die hemelbodes word engele op meesterlike wyse aan die woord gestel en die leser kom opnuut onder die indruk van die wonderbare genade van God se handeling met die mens. Dit is 'n moet-lees vir alle fiksieliefhebbers.

OOR DIE OUTEUR

Jaco Thom is 'n predikant van die NG Gemeente Toringkerk in die Paarl. Hy beskou sy skryfwerk as 'n verlengstuk van sy predikantewerk en skryf daarom boeke wat daarop gemik is om die leser te help om die Bybel beter te verstaan en te gebruik. Jaco is getroud met Elmien, 'n musiekonderwyseres en orrelis, en die egpaar het drie dogters.

Die hemelbodes vertel die Bybelverhaal
uit die oogpunt van God se engele

KORT KOPIE

Vanaf die skepping tree engele op as bemiddelaars tussen God en mens en gryp hulle op Gods bevel ín in die lewe van mense. Die hemelbodes spieël die Bybel vanuit 'n heeltemal nuwe perspektief en gee die leser nuwe insig in verhale wat reeds jare lank gelees word.

UNIEKE VERKOOPPUNTE

- Bekende outeur
- Boeiende lekkerlees-styl
- Bekende Bybelse karakters

ANDER BOEKE DEUR DIE OUTEUR

- Die goewerneur (Fiksie/Histories)
- Die skrifgeleerde (Fiksie/Histories)
- Die dromer (Fiksie/Histories)
- Die vreemdeling (Fiksie/Histories)
- Paulus (Fiksie/Histories)

Besigting die CUM katalogus