|
Vir ma wil ek vandag sê,
dis iets wat God reeds lankal wou hê.
Dank Moeder, dank vir u gebed,
God het verhoor en my gered.
Ek wonder net soms hoe dit sou wees,
as God my vroeër kon genees.
Ek het altyd geweet Hy het 'n plan,
tog moes Hy vra: 'Wanneer dan?'.
Met gebed al die jare het ma my gedra,
en soms ook sommer reguit gevra:
'Wanneer dan my kind, maak reg.
Jy weet mos God is die enigste weg.'
Dankie vir alles wat ma vir ons doen,
Dit beteken meer as die meeste miljoen.
Geluk op ma se sestigste verjaardag vandag.
Ag en sommer ook vir elke Moedersdag.
Vandag is ek bly dat ek dit kan sê,
dit was van kleinsaf by my bygelê,
Dank Moeder, dank vir u gebed,
God het verhoor en my gered.
(Opgedra aan my ma op haar sestigste
verjaarsdag)
|
